Servizi
Contatti

Eventi


Poesia in lingua italiana "de tera, de mare e de celo", questa de la poetessa padovana, che ne la racolta Iter Ligure mete in risalto la so "elevata" cultura, la naturale vocassion per l'arte poètica e la nobiltà d'ànimo che fa de la Toffanin una tra le voci più "illuminate" de la poesia contenporanea. Quel sotofondo de classicità, quela spiritualità che smaterialisa la natura, quel pensiero puro che trasforma la materia, la padronanza de linguagio, el stile espressivo esigente, rafinato, altamente leterario, coerente e musicale, l'uso sapiente de la metafora, la selta fantastica de i colori, el segno figurale e descritivo de le imàgini: tuto concore a fare de sta poesia un lirismo de grande spessore e de rara belessa.

Oncò che vivemo nel "tempo dell'immagine", l'Opera de Maria Luisa Daniele Toffanin la xe, sul serio, un depliant, silenzioso e colorato, che ilustra un percorso salva-vita, consilià a chi no se contenta de esìstare, ma preferisse vìvare, con oci, boca e mente. In armonia conpleta e solare.

Recensione
Literary © 1997-2018 - Issn 1971-9175 - Libraria Padovana Editrice - P.I. IT02493400283 - Privacy - Gerenza