Servizi
Contatti

Eventi


Sento la ghe ne pensa e sento la ghŔ ne scrive. La xe un vero e propio vulcano Maria Luisa Daniele Toffanin che continua a spuare fora incandessense poŔtiche, tanto de armoniosa letura quanto de inpegnativa interpretassion.

Questo xe el caso de la so ultima (se fa per dire) publicassion Fragmenta, un sinpÓtico volumeto de 125 pÓgine in dignitoso formato tascabile, stanpÓ da La Grafica Editrice e Stampa Sri de Vicenza per conto de Marsilio Elleffe de Padova. Un titolo de arcaica concession che crea sicuramente curiositÓ inteletive, invitando el letore a la non fÓssile scoperta de un lirismo lessicale rafinÓ concepýo traverso el predominio de valori etico-morali che s¨ssita emossion da pŔle d'oca, spalancando i oci e la mente del letore su un orizonte inturbiÓ da inquietanti interogativi.

Te sta ˛pera, tenpio de "archetipi" inpenetrabili, l'autrice desbroja un gemo sgropoloso e incatejÓ da un "kerigma" esistensiale ancora a primevi modŔi de vita e de morte, de i quali le manifestassion sensibili de la quotidianitÓ s'introsa con altre banalitÓ papagalesche de basso livelo, prive de originalitÓ. Un sentiero poŔtico, quelo inbocÓ da Maria Luisa, che se snoda lungo trosi iluminÓi da un inteleto non comune che sa de siensa e cossiensa.

Davanti un distinto p¨blico che inpienava tuta la Sala Rossini del CafŔ Pedrocchi, el prof. Giuliano Lenci, in rapresentansa de l'aministrassion comunale de Padova, ga espresso un caloroso pensiero de elogio a la poetessa per aver dimostrÓ co 'l so inpegno leterario de saver spassiare per oscuri antri de celestiale sa˛re.

Secondo Luisa Scimemi di San Bonifacio che ga messo el so conpetente ocio critico su i contenuti de Fragmenta ga osservÓ che l'˛pera xe un assenblajo lirico elaborÓ da na serie de framenti espressi con altissimo linguagio metaforico che sfocia in sentimenti emozionali evocanti una logica struturale quasi liturgica, propio come lassa sotintendere con sotile venadura de rinpianto "l'introibo" de classica memoria latina.

Quela che apare dal lavoro de Maria Luisa donca, come ga spiegÓ nel corso de la so dota presentassion el noto leterato Mario Richter, xe na mitologia comunicativa che, ne le so originali e molteplici assonanse de gualiva e organica costrussion, parla diretamente al cuore con condivision de sentimenti, conceto peraltro condiviso anche da le conpetenti note critiche de Luciano Nanni.

L'˛pera, anche se apare al primo inpato, come na refuaja de rovine catas¨ e inmas-ciÓ t'un organico sÚsto de frantumi, rinvia chi snasa tra le pieghe de i versi a un classicismo che per serti aspeti profuma anche na s-cianta de petrarchesco. Un libro che sarýa propio un pecÓ no poderlo gustare. E, par gustarlo, bisogna lŔsarlo!

Recensione
Literary ę 1997-2018 - Issn 1971-9175 - Libraria Padovana Editrice - P.I. IT02493400283 - Privacy - Gerenza