Serata de gala, l'é el caso de ciamarla, quea dedicada nel novenbre 2005, a la presentassion del libro La Mercenaria - da Bianca Cappello ad Alvise Cassier, òpera de Ferruccio Gemmellaro, poeta e scritor de radise iberico-marchigiane, ativo promòtor de atività culturài; presiede el Movimento cultural "La Copertina"; se atesta nel Veneto: prima a Silea e po', ben contento, a Meolo, presso 'a Fossetta, al ponte de 'a Caèna.

La storia scominçia propio nel Palazzo Cappello, a Meolo, che se identifica co 'a titolarità de la omònima nòbie Fameja, par ritrovarse protagonista nel contesto del libro.

Presentassion organizada dal Movimento Culturale "La Copertina", in colaborassion co la Biblioteca Comunale e col Centro Documentazione di Marteggia. Degna sede, el Salone degli Affreschi de Ca' Cappello, sede Municipal, da la cornise de signoril efeto senogràfico. Al Sìndaco, dot. Nillo Tallon, in quanto "governator" de Palazo Cappello, el piaçer de introdur la serata, saludando cordialmente el pùblico che à colmà el Salon del Consiglio, conposto sia de locài che de foresti, da Lu stesso sinpaticamente distinti. Co linguagio de trasparenza artìstica, l'à espresso particoeàr gradimento par l'òpera de l'Autor e par la presensa de do sinpàtici rapresentanti del casado Cappello.

Presentassion ben orchestrada, che dopo un pròlogo de esposission audio-video, anbientade 'torno al 1900, à visto el prof. Leonardo Vecchiotti, 'ferato e anbìo conferensier ne i anbienti culturài del Basso Piave, governar la condussion in maniera divertente, facendo intercalar i interventi co tenpismo de efeto: sia da parte de l'Autor, par dar senso preciso a personagi e avenimenti; sia da parte de Simonetta Gasparini co la letura de pàgine interessanti, ben interpretada; e ancora, raegrada da intermezi musicài al pianoforte da parte del maestro Nicola Agostino, meritatamente aplaudì per la quaità de esecuzion.

Ma eco un un doveroso spazio par l'anàlisi critica del prof. Vecchiotti da la prefazion del libro, più anpiamente sviupada durante la so presentassion. "La Mercenaria, l'ultima fatica letteraria fa parte della trilogia preceduta da: Stele Daunia per la Vergine Beccarino, La Pulzella delle Specchie. Una 'summa' dove I'Autore gioca tutta la sua meravigliosa originalità: ipotesi, ma anche dubbi" ... "esigenze di intreccio ragionevoli accanto a calcolate sovrapposizioni; riordino storiografico e sottoposizione a nuova esegesi della storia nelle sue più disparate accezioni: Universale, Grande, Minore, Locale, e perché no, Virtuale, per l'appunto la storia di Alvise Cassier – eroina addomesticabile dagli accadimenti – e quella di Bianca Cappello – protagonista per scelta non per costrizione; sono queste, in estrema sintesi, le presunzioni con le quali bisogna misurarsi una volta letto l'energetico romanzo storico-omologista La Mercenaria... Un prezioso lavoro di rivisitazione storica, in un elegante amalgama di profondo senso poetico e struggente nostalgia, che mette in evidenza il forte linguaggio di vena poetica di F.G.."

Ma, a La Mercenaria va riconossù un intaresse unì a particoeàr sinpatia. Infati, tratàndose de na òpara che trova protagonisti propio personagi de casa, anca i paesani se sente un fià eredi stòrici: e co quanto orgolio, se pol capir. A partir dal '76 F.G. sgrana na serie de òpere de narativa e "sillogi" de poesia, tanto da meritarse premi e riconossimenti significativi in autorèvoi concorsi.

Ga concluso la serata un rinfresco oferto co signoril ospitalitâ da I'Aministrassion Comunal ne i stòrici saloni, ogeto de curiosità e amirassion de i afreschi da parte de i "foresti", in un clima divertente, malgrado la piova batente... ma fora del Palazo.