Servizi
Contatti


Consapevolvenze

Quanto amore per la parola e par tuto quelo che la rapresenta, in sta splendida racolta de poesie in italian de la poetessa padovana, prof. Lucia Gaddo Zanovello, na professionista de la lingua italiana, che la xe stà insegnante de scola media.

In sta 17a racolta, l'autrice la continua a caminare so la strada de l'o­riginalità, per inteligenza de contenuti e per sapiente forma de scritura. Le parole deventa pètali de fiori portà dal vento in mile direzion e dove che i se ferma i fa na macia de colore senpre difarente, a seconda de dove i casca.

I versi, ora curti ora longhi, se move con la velocità de I'ispirazion che ga raise profonde e che spanisse inprovisa nel giardin de la vita. Propio da la vita, da l'esperienza, da la memoria, dal "concreto" de tuti giorni parte el filo del pensiero che se sròdola intorno a l'idea, al progeto de l'incontro, de la condivision, de la conprension de l'altro, se se vole dare un senso vero, autentico e sacro, a l'esistenza. Ne l'a­frontare la fadiga de stare al mondo se cata tuto el significato del strano titolo de l'opera: Consapevolvenze (novenbre 2015 (M.S.K.)

Recensione
Literary © 1997-2024 - Issn 1971-9175 - Libraria Padovana Editrice - P.I. IT02493400283 - Privacy - Cookie - Gerenza